بسم الله الرحمن الرحيم
مــعــكــم العضوو الجديد سالم محمد المري
انشالله تعجبكم القصيده
معجب وفي خدها شفت موتي والعذاب @ وذبحتني لين قلت حي امي وابي
لعنبو خد(ن) به التوت والسكر مذاب @ ومن يقول به مثله انا احلق شنبي
الحلا وام الحلا والدلع والانجذاب @ وروعت(ن) كنها فتافيت فلم اجنبي
سندريلا عصرها لو احلف فوق الكتاب @ لا مثلها فالرياض ولا فديرة ابو الظبي
من بنات الدوحه ومن سميحات الجناب @ والجمال اللي يتحدى الجمال المغربي
ارتبكت وضاعت علومي وسال اللعاب @ لعنبوها عباه ماهي بمثل العبي
اقبلت كنها اتمشا على هام السحاب @ جعل يفداها شبابي وعمري وتعبي
هيبة خطاها إذا لمست جسم التراب @ هيبة عيال ال مكتوم في داخل دبي
ما سواي اللي يشوف القمر لا بس حجاب @ ولحد(ن) غيري لامس بيدينه ظبي
شاعر وحسي غلبني بطيبه وانسياب @ واكره اللعب الطفولي ومن توني صبي
شايب(ن) ربي عطاه العمر في عمر شاب @ الذكي عندي لو بيجادل بيطلع غبي
اسف التعبير قاسي لاكن ويش جاب @ منكبلي حط منكبه جمب منكبي
ماني اغلد واقول انا غير الشباب @ وجيبلك السوالف في شكل لبلبي
لاكن اسمع قبل لا تسئل وهال الجواب @ نبذت(ن) عني تفيدك تبي او ما تبي
اكره الكدول ولا داني بدله وكاب @ لنها ماهي بسلمي ولا هي بمذهبي
مختلف طبع وقناعات خلقه واكتساب @ وكل هذا قبل لا افخر بعزي وانسبي
هيه انا مري وربعي ملويت الرقاب @ لا غزانا غازي القوم يخسي ويهبي
وعينك اللي شفتها ما حسبتلها حساب @ اه منها واه من سهمها اللي دشبي
التقيتك في طريقي وذاب قلبي ذاب @ وشفتلك من كل وصف يوافق مطلبي
لدلي يا زين وارحم لجل تكتسب ثواب @ وخاف ربك في ضعيف(ن) بذنبه وش تبي
وسلامتكم
الأربعاء فبراير 01, 2017 4:28 pm من طرف 
